गाजा, १२ मंसिर । कतारले इजरायल र हमाससँग मिलेर चार दिने युद्धविराम लम्ब्याएको छ ।
सफलतापूर्वक एक सम्झौता वार्ता पिछ दोहाको विदेश मन्त्रालयका प्रवक्ताले उनीहरुबीच थप दुई दिन युद्बबिराम लम्बाउने सहमति भएको जानकारी दिएका छन ।
‘कतार राज्य यो घोषणा गर्दछ कि हाल चलिरहेको युद्दको मध्यस्थताको एक भागको रूपमा गाजा पट्टीमा मानवीय युद्धविराम थप दुई दिनको लागी लम्ब्याउन एक सम्झौता भएको छ,’ प्रवक्ता माजिद अल अन्सारी ट्विटरमा पोस्ट गर्दै भनेका छन ।
जसको मतलब कम्तिमा पनि १० इजरायली बन्धकहरूलाई मंगलबार र अर्को १० लाई बुधबार रिहा गरिनेछ। यससँगै इजरायलले हरेक दिन ३० प्यालेस्टिनी बन्दीहरूलाई रिहा गर्ने टाइम्स अफ इजरायलले उल्लेख गरेको छ ।
युद्धविराम विस्तारको तत्काल इजरायली पुष्टि नभएपनि हमासले एक विज्ञप्ति जारी गरी यसको पुष्टि गर्दै कतार र इजिप्टको मध्यस्थता प्रयासलाई जिम्मेवार ठहराएको छ।
अमेरिकी राष्ट्रपति जो बाइडेनले कतारको सफल मध्यस्थतापछि इजरायल र हमासबीच थप दुई दिने युद्धविराम सम्झौताको स्वागत गरेका छन् ।
द टाइम्स अफ इजरायलका अनुसार बाइडेनले विस्तारित युद्धविराम सम्झौताको स्वागत गर्दै एक विज्ञप्ति जारी गर्दै अमेरिकी राष्ट्रपतिले भनेका छन् कि विगतका केही दिनहरूमा व्यापक अमेरिकी मध्यस्थता र कूटनीतिको माध्यमबाट बनेको र कायम राखिएको यो सम्झौताले नतिजा दिन जारी राखेको छ ।,
हमासले युद्धविरामको चौथो दिन थप ११ जना बन्धकहरूलाई रिहा गरेको छ। यसबारे बाइडेनले भने, ‘अहिलेसम्म ५० भन्दा बढी बन्धकहरू रिहा भइसकेका छन् र आफ्नो परिवारमा फर्किएका छन्। रिहा भएकाहरूमा साना बालबालिका, आमा र वृद्धहरू रहेका छन्।’
उनले हिजो रिहा भएका चार वर्षीय इजरायली–अमेरिकी एभिगेल इडानको अवस्था उल्लेख गरेका छन । द टाइम्स अफ इजरायलका अनुसार इडानलाई बन्धक बनाउनुअघि अक्टोबर ७ मा उनका आमाबुवाको उनको अगाडि हत्या गरिएको थियो। बाइडेनले थपे, ‘मैले एभिगेलको रिहाइपछि उनको परिवारसँग कुरा गरेको छु। हामी हाम्रा इजरायली साझेदारहरूसँग मिलेर काम गर्दैछौं कि उनी यो आघातबाट निको भएपछि उनलाई आवश्यक हेरचाह र समर्थन पाउँछन् ।’
यसैगरी, उनले थप मानवीय सहायताको बारेमा कुरा गर्दै भने, ‘मानवीय पजले गाजा पट्टीमा पीडित निर्दोष नागरिकहरूलाई थप मानवीय सहायतामा उल्लेखनीय वृद्धि गर्न सक्षम गरेको छ।’
बाइडेनले प्यालेस्टाइनीहरूलाई मानवीय सहायता उपलब्ध गराउन अमेरिकाले जति योगदान अरू कसैले गरेको छैन भन्ने कुरामा जोड दिए,’ द टाइम्स अफ इजरायलले रिपोर्ट गरेको छ।
‘हामीले गाजामा मानवीय सहायता बढाउनको लागि लडाइँमा पजको पूर्ण फाइदा उठाइरहेका छौं, र प्यालेस्टिनी जनताको लागि शान्ति र मर्यादाको भविष्य निर्माण गर्न हामी हाम्रो प्रयास जारी राख्नेछौं,’ वाइडेनले भने ।
