रसीद आलम,बारा, १४ माघ ।
बाराकाे महागढीमाई नगरपालिका-१ गढीमाई मन्दिरस्थित सडकबाट रु.८ लाख १६ हजार बराबरको अवैध लागूऔषध ब्राउनसुगर जस्तो देखिने पदार्थ १ सय २ ग्रामसहित सुर्वण गाउँपालिका-७ सनफुलुवा बस्ने ४१ वर्षीय उमेश कुमार यादवलाई बारा प्रहरीले पक्राउ गरेको छ ।
विषेश सूचनाको आधारमा जिल्ला प्रहरी कार्यालय बारा, प्रहरी चौकी बरियारपुर र लागु औषध व्युरो वीरगंज शाखाबाट खटिएको संयुक्त प्रहरी टोलीले बा.९४ प ६११४ नम्बरको मोटरसाइकललाई जाँच गर्ने क्रममा चालक यादवलाई उक्त पदार्थसहित पक्राउ गरेको हो ।
नियन्त्रणमा लिएको यादवलाई बारा जिल्ला अदालत कलैयाबाट ५ दिन म्याद थप गरी अनुसन्धान कार्य भई रहेको बारा प्रहरीका प्रवक्ता तथा सूचना अधिकारी डिएसपी दधिराम न्यौपाने जनाएका छन् ।
