भुटानलाई आठ–शून्य गोलको फराकिलो अन्तरले हराउँदै बङ्ग्लादेश साफ महिला च्याम्पियनशिपको फाइनलमा पुगेको छ ।
दशरथ रङ्गशालामा आज शुक्रवार भएको पहिलो खेलमा बङ्ग्लादेशलको जितमा कप्तान सविना खातुनले ह्याट्रिक गरिन् । यस्तै मोसमत जाहान सोपना, श्रीमती कृष्णारानी सरकार र तोहुरा खातुनले एकरएक गोल गरे ।
योसँगै बङ्ग्लादेश दोस्रो पटक साफ महिला च्याम्पियनशिपको फाइनलमा पुगेको छ । यसअघि सन् २०१६ मा फाइनलमा पुगेको बङ्ग्लादेश भारतसँग तीन–एक गोलले पराजित भएको थियो ।
यसैबीच आजै हुने दोस्रो सेमिफाइनलमा साविक विजेता भारत र नेपाल खेल्दैछन् । खेल दशरथ रङ्गशालामा बेलुकी साढे ५ बजे सुरु हुनेछ ।
