रसीद आलम,बारा,३० असार।
सशस्त्र प्रहरी बल बारा बिओपी बरैनियाले स्रोत नखुलेको रकम ५ लाख ८२ हजार ५ सय नेपाली रुपैया सहित एक जना भारतीय नागरिकलाई पक्राउ गरेको छ्।
असार २९ गते राति १०:३० बजेको समयमा बाराको बिश्रामपुर गाउँ पालिका-४ बलिरामपुर पोखरी नेपाल भारत सीमा ईलाकामा बिओपी बरैनियाबाट सशस्त्र प्रहरी निरीक्षक प्रकाश आचार्यको कमाण्डमा खटिएको टोलीले प्रदेश २-०३०१८ प ८१२० नंम्बरको २२० पल्सर मोटरसाइकललाई रोकी चेकजाँच गर्ने क्रममा मोटरसाइकलमा सवार भारत बिहार मोतिहारी पुर्वी चम्पारण रक्सौल १२ लोहारपट्टी टोलमा बस्ने भारतिय नागरिक बर्ष ४६ को मनोज कुमार सिंहलाई पक्राउ गरेको सशस्त्र प्रहरीले जनाएको छ।
निजको साथबाट स्रोत नखुलेको १ हजारको ३१७ थान नेपाली नोट र ५०० को ५३१ थान नेपाली नोट जम्मा गरि ५ लाख ८२ हजार ५ सय नेपाली रुपैया बरामद भएको बिओपी बरैनियाले जानकारी गराएको छ।
सो रकम तथा मुल्य रु.३ लाख बराबरको मोटरसाइकलसहित निजलाई नियन्त्रणमा लिई आवश्यक कार्वाहीको प्रकृयाअगाडि बढाईएको सशस्त्र प्रहरी निरीक्षक प्रकाश आचार्यले बताएका छन् ।
