बिरगंज ,१२ असार ।
परवानिपुर ड्राईपोर्ट सडक खण्डमा पर्ने बिरगंज म.न.पा. २८ बगही चौक प्रबेशद्वार नजिकमा सोमबार साझ ५:३० मा युपि ५३ डिटि ९८५६ नम्बरका एक भारतीय कन्टेनरको ठक्करबाट एक गर्भवती महिला सख्त घाइते भएको जानकारी प्राप्त भएको छ।
बगही निवासी राम नाथ सहनीको उनी छोरी हुन , निजको खुट्टा ,ढाड फ्याक्चर भएको र नेपाल मेडिसिटी बयोधा अस्पतालमा उपचार भैरहेको निजको दाइ सरोज कुमार सहनीले जनाएका छन् ।
सो कन्टेनरको ड्राइभर गाडीलाई ब्याक गरि ज्यान मार्ने मानसायले सख्त घाइते बनाएको सरोज कुमार सहनीले दाबी गरेका छन् ।
गाडी र ड्राइभर पर्सा प्रहरीको नियन्त्रणमा छ तथा उक्त घटनाको सम्बन्धमा थप अनुसन्धान भैरहेको प्रहरीले जनाएको छ।
