काठमाडौ , १५ साउन । देशैभर टमाटरको मूल्य ह्वात्तै बढेका कारण ग्राहकको खल्ती खुकुलो हुँदै गएको बेला केही किसान तथा व्यापारीले टमाटर बिक्री गरेर मनग्य नाफा कमाउन थालेका छन् ।
नेपालका केही सिमावर्ति क्षेत्रमा पनि टमाटरको व्यापक रुपमा कालोबजारी भइरहेको छ।अबैध तरिकाले नेपालबाट भारतमा भारी मात्रामा टमाटरको ढुवानी भइरहेको कारण नेपालको आम उपभोक्तले चर्को मुल्यको मारमा परेको गुनासो गरेका छन् ।
नेपाल प्रहरीले सो समस्यालाई नियन्त्रण गर्न अबैध तरिकाले भारत तर्फ लगिरहेको अवस्थामा टमाटरहरु पक्राउ गरिरहेको जनाएको छ।
उता छिमेकी मुलुक भारतमा टमाटर चोरी र लुटपाटका धेरै घटना पनि बाहिर आएका छन् । अहिले भर्खरैको घटनामा भारत कर्नाटकको कोलारबाट राजस्थानतर्फ जाँदै गरेको २० लाख मूल्यको टमाटर बोकेको ट्रक रहस्यमय रूपमा बेपत्ता भएको छ।
टाइम्स अफ इन्डियाुको रिपोर्ट अनुसार यसपछि समस्यामा परेका व्यापारीहरूले कोलार प्रहरीमा उजुरी दिएका थिए। जसमा भनिएको छ कि जुलाई २७ मा दुई जना व्यापारीले कोलार एपीएमसी यार्डबाट राजस्थानको जयपुरमा टमाटर लैजान ट्रक बुक गरेका थिए।
उल्लेखनीय कुरा के हो भने, थोक बजारमा टमाटरको मूल्य अझै पनि १५ किलोको बक्सामा रु दुई हजारको हाराहारीमा खरिदबिक्री भइरहेको छ जबकि खुद्रामा टमाटरको मूल्य प्रतिकिलो १५० देखि २ सयसम्म बढेको छ ।
टमाटरले भरिएको सो ट्रक शनिबार राति जयपुर पुग्न लागेको थियो जबकि ट्रक गन्तव्यमा नपुगेको र चालकको मोबाइल फोन स्वीच अफ छ । ट्रक अपरेटरलाई सम्पर्क गर्ने प्रयास पनि व्यर्थ साबित भएको छ ।सो सम्बन्धमा कोलारका व्यापारीले प्रहरीमा उजुरी दिएका हुन् ।
