बिरगंज ,६ भदौ।
पर्सा प्रहरीले लागु औषध गाजा सहित दुईजनालाई पक्राउ गरेको छ।
चेकजाँचको क्रममा प्रहरी चौकी ईनर्वाका प्रहरी नायब निरीक्षक अजय कुमार रामको कमान्डमा खटिएका टोलिले बिरगंज -१६ शन्कार्चाय गेट नीर लागु औषध गाजा ६ केजि ७ ग्राम सहित दुईजनालाई पक्राउ गरेको प्रहरीले जनाएको छ।
पक्राउ पर्नेहरूमा पर्सा कालिकामाई गाउँपालिका -३ हरिहरपुर वस्ने वर्ष ३५ का ललन पसवान र बाराको जितपुर सिमरा -२२ अमलेखगञ्ज बस्ने वर्ष १९ का उमेश सिंह रहेको पर्सा प्रहरीले जानकारी गराएको छ।
बिहीवार दिउँसो करिब २ बजेको समयमा नेपालबाट भारत तर्फ गैइरहेको अवस्थामा बिरगंजको शन्कार्चाय गेटनीर चेकजाँच गर्ने क्रममा ललन पसवानले झोला र कम्मरमा लुकाई छिपाई राखिएको अवस्थामा ५ केजि ९०० ग्राम गाजा बरामद भएको तथा उमेश सिंहले झोलामा लुकाई राखेको ८०० ग्राम गाजा फेला परेकाले निजहरुलाई नियन्त्रणमा लिई आवश्यक अनुसन्धान भैइरहेको जिल्ला प्रहरी कार्यालय पर्साले जनाएको छ।
