पर्सा, मंसिर १४।
सशस्त्र प्रहरी बल, प्रस्तावित सिमा सुरक्षा गुल्म वीरगंजबाट खटिएको टोलीले पर्सा जिल्लाको बीरगंज महानगरपालिका-१६, भन्सार मेनगेट तथा विभिन्न स्थानहरूबाट अवैध रूपमा भन्सार छल्दै भारतबाट नेपालतर्फ ल्याउँदै गरेको सामान बरामद गरेको छ।
टोलीले ना २ ह ७७२५ नम्बरको अटो, म.प्र. ०३-०२८प ७२८६ नम्बरको मोटरसाइकल तथा अन्य सार्वजनिक सवारी साधनमार्फत ल्याइएको किराना सामान, मोटर पार्ट्स, कम्प्युटर पार्ट्स, कपडा, कस्मेटिक्स र सामान्य औषधिहरू सहित कुल रु. १९ लाख ३१ हजार ९ सय ४८ बराबरको सामान नियन्त्रणमा लिएको हो।
बरामद अटोको भन्सार मूल्य रु. ३ लाख र मोटरसाइकलको भन्सार मूल्य रु. १ लाख २०हजार निर्धारण गरिएको छ। यसरी जम्मा रु.२३ लाख ५१ हजार ९ सय ४८ बराबरको सामान नियन्त्रणमा लिएर आवश्यक कारबाहीका लागि वीरगंज भन्सार कार्यालयमा बुझाइएको सशस्त्र प्रहरी नायव उपरीक्षक एवं सूचना अधिकारी विष्णु हरि घिमिरेले जानकारी दिनुभएको छ।
