रसीद आलम,बिरगंज ७ असोज ।
वीरगञ्ज महानगरपालिका मनियारीमा वेवारिसे अवस्थामा ८९१५ एम्पुल प्रतिबन्धित लागु औषध बरामद भएको पर्सा प्रहरीले जनाएको छ।
प्रहरीका अनुसार शुक्रबार दिउँसो १२:०० बजेको समयमा वडा प्रहरी कार्यालय श्रीपुरबाट प्रहरी निरीक्षक धर्मजंग थिङको कमाण्डमा खटिएको टोलीले वीरगञ्ज महानगरपालिका वडा नं.२२ मनियारी टोल बस्ने देवेन्द्र यादवको खाली खेतमा २ वटा पहेलो रंगको बोराभित्र सो प्रतिबन्धित लागु औषध बरामद गरिएको पर्सा प्रहरीका प्रवक्ता प्रहरी नायब उपरीक्षक कुमार बिक्रम थापाले बताए ।
उक्त बोरा खोली हेर्दा सो भित्र प्रतिबन्धित लागु औषध DIAZEPAM Injection २३३५ एम्पुल NOORPHIN Injection-३१६९ एम्पुल र PHENERGAN Injection ३४११ एम्पुल गरी जम्मा ८९१५ एम्पुल फेला परेको हुँदा उल्लेखित परीमाणको लागु औषध वेवारिसे अवस्थामा बरामद गरी थप अनुसन्धान कार्य भैरहेको जिल्ला प्रहरी कार्यालय पर्साले जनाएको छ।
