रसीद आलम,बारा,३ फागुन ।
बारा प्रहरीले १८ लाख ३५ हजार १ सय २० रुपैया बराबरको समान सहित पिकअप पक्राउ गरेको छ।
फागुन २ गते राती १०:३० बजेको समयमा ईलाका प्रहरी कार्यालय अमलेखगंजबाट खटिएको प्रहरी टोलिले बाराको जीतपुर सिमरा उप-महानगरपालिका वडा नं.२१ अमलेखगंज चोकमा चेकजाँच गर्ने क्रममा काठमाण्डौबाट वीरगंज तर्फ जादै गरेको प्र.३-०१-०२२ च ०५८५ नम्बरको पिकअप गाडीमा लोड रहेको १८ लाख ३५ हजार १ सय २० रूपैया बराबरको स्टेसनरीका समानहरुको बिल भरपाई फरक रहेको तथा अनलाईन बिल समेत नभएकोले पिकअपलाई पक्राउ गरिएको बारा प्रहरीका निमित्त सूचना अधिकारी प्रहरी निरीक्षक बिरेन्द्रराज गुरूङले जानकारी गराएका छन् ।
समानको स्रोत खुलाउन नसकेकोले मालबस्तुसहित पिकअपलाई नियन्त्रणमा लिई आवश्यक कारवाहीको लागि राजश्व अनुसन्धान कार्यालय पथलैया बारा पठाईएको प्रहरी निरीक्षक गुरुङले जनाए।
