बिरगंज ,९ पुस ।
वीरगंज महानगरपालिका कार्यालयले आज नेपाली महिला क्रिकेट टिमकी कप्तान पूजा महतो र खेलाडी साना प्रवीणलाई विशेष सम्मान गरेको छ। महानगरका मेयर राजेशमान सिंहले आयोजित कार्यक्रममार्फत उनीहरुलाई सम्मान प्रदान गरेका हुन्।
सम्मान कार्यक्रममा पर्साका प्रहरी प्रमुख एसपी कुमोध ढुंगेल, स्थानीय जनप्रतिनिधिहरू, र महानगरपालिकाका कर्मचारीहरूको उपस्थिति रहेको थियो।
यो सम्मानले नेपाली महिला खेलकुदलाई थप प्रेरणा दिने विश्वास व्यक्त गरिएको छ।
