बिरगंज, २५ माघ
सशस्त्र प्रहरी बल नेपाल नम्बर १३ गण पर्सा, प्रस्तावित सीमा सुरक्षा गुल्म बिरगंज तथा बिरगंज भन्सार कार्यालयको संयुक्त टोलीले डिएसपी लोकेन्द्र सुब्बाको नेतृत्वमा बिरगंज महानगरपालिका-१० टाउनहल जाने बाटोमा रहेको जय जिणमाता वस्त्रालयको गोदाममा छापामारी गरेको छ।
छापामारीका क्रममा ५ लाख ११ हजार ४ सय २० मूल्य बराबरको भन्सार छलीको आशंकामा ठूलो मात्रामा कपडा बरामद गरिएको छ।
सशस्त्र प्रहरीका अनुसार बरामद गरिएको कपडाको ५ लाख ११ हजार ४ सय २० रुपैया मूल्यांकन रहेको छ। आवश्यक कानुनी प्रक्रिया पूरा गरी थप अनुसन्धानका लागि उक्त सामान बिरगंज भन्सार कार्यालयलाई बुझाईएको जनाएको छ।
