काठमाडौ ,१८ मंसिर
सशस्त्र प्रहरी महानिरीक्षक राजु अर्यालले नं. ७ बैद्यनाथ बाहिनी मुख्यालय अन्तर्गतका विभिन्न युनिटहरूको निरीक्षण भ्रमणका क्रममा उत्कृष्ट कार्य सम्पादन गर्ने सशस्त्र प्रहरी कर्मचारीहरूलाई IG APF Commendation र प्रशंसापत्र प्रदान गर्नुभएको छ।
निरीक्षणका अवसरमा महानिरीक्षक अर्यालले युनिटहरूले गर्दै आएका गतिविधि, सुरक्षात्मक व्यवस्था र सामुदायिक समन्वयका विषयमा विस्तृत जानकारी लिंदै आफूअनुसारका दायित्व अधिक प्रभावकारी ढंगले निर्वाह गर्न आवश्यक निर्देशनसमेत दिनुभएको सशस्त्र प्रहरीले जनाएको छ।
महानिरीक्षक अर्यालले शिष्ट , पेशागत दक्षता र जिम्मेवारीप्रति समर्पित भई कार्य गर्नुपर्ने भन्दै उत्कृष्ट कार्यलाई निरन्तरता दिनु सबैको दायित्व भएको उल्लेख गर्नुभयो।
