वीरगंज,९ पुस ।
पर्सा जिल्लाको वीरगंज महानगरपालिका–१६ स्थित सीमा क्षेत्रबाट सशस्त्र प्रहरी बल प्रस्तावित सीमा सुरक्षा गुल्म वीरगंजले करिब ३ लाख ५० हजार रुपैयाँ बराबरको चोरीपैठारीका सामान बरामद गरेको छ।
पौष ८ गतेको कारबाहीमा बरामद गरिएका सामानहरू आवश्यक कानूनी प्रक्रिया पूरा गरी सम्बन्धित निकायमा बुझाइएको सशस्त्र प्रहरीले जनाएको छ।
सीमा सुरक्षालाई कडा बनाउँदै चोरीपैठारी रोकथाममा सशस्त्र प्रहरी सक्रिय रहेको जनाइएको छ।
