पर्सा, ८ कार्तिक।
सशस्त्र प्रहरी बल, पर्साले भारतबाट अबैध रूपमा नेपालतर्फ ल्याइँदै गरेको रु. ११ लाख ७ हजार ९ सय ८५ बराबरको सामान नियन्त्रणमा लिई भन्सार कार्यालयमा बुझाएको छ। सशस्त्र प्रहरीको सीमा सुरक्षा गुल्म, वीरगञ्जबाट खटिएको टोलीले बि.म.न.पा-१६ ईनर्वास्थित विभिन्न सीमा नाकाबाट अबैध रूपमा सार्वजनिक सवारी साधनहरूमा लोड गरी ल्याइँदै गरेको रु. ८ लाख २१ हजार २ सय ८५ बराबरको किराना सामान, कपडा, मोटर पार्ट्स, जुत्ता/चप्पल, भाँडा र कस्मेटिक्सका सामानहरू बरामद गरेको हो।
त्यस्तै, आजकै मितिमा बि.ओ.पि. अमरपट्टीबाट खटिएको अर्को टोलीले भन्सार छली गरी ना. ५ प. ५०७५ नम्बरको मोटरसाइकलमा लोड गरिएको रु. १ लाख ६६ हजार ७ सय बराबरको कपडा पनि बरामद गरेको छ। सो मोटरसाइकलको भन्सार मूल्य रु. १ लाख २० हजार रहेको छ। यसरी बरामद गरिएको मोटरसाइकल र कपडा गरी कुल रु. २ लाख ८६ हजार ७ सय बराबरको सामान वीरगञ्ज भन्सार कार्यालयमा बुझाइएको छ।
सशस्त्र प्रहरी पर्साका प्रवक्ता सशस्त्र प्रहरी नायब उपरीक्षक विष्णु हरी घिमिरेका अनुसार अबैध तस्करी नियन्त्रण गर्न सुरक्षा निकायहरू सधैं सतर्क रहेको बताएका छन्।
