पर्सा ,२८ बैशाख । जिल्ला प्रहरी कार्यालय पर्सा मातहतको इलाका प्रहरी कार्यालय पटेर्वा सुगौलीले सालको काठसहित दुई थान साइकल बरामद गरेको छ।
प्रहरीका अनुसार, वैशाख २८ गते बिहान ७:०० बजे पटेर्वा सुगौली गाउँपालिका–१, पथरघटा स्थित जंगलतर्फबाट २ वटा साइकलमा अन्दाजी २० क्यूबिक फिट बराबरको सालको काठ ल्याउँदै गरेको अवस्थामा प्रहरीको क्यूआरटी टोली देखेपछि तस्करहरु साइकल र काठ छोडेर फरार भएका थिए।
प्रहरीले उक्त स्थानबाट सालको काठ र दुईवटा साइकल बरामद गरी आवश्यक कानुनी कारबाहीका लागि कार्यालयमा ल्याएको जनाएको छ।
प्रहरीले फरार व्यक्तिको खोजी जारी राखेको छ।
