भारत लैजाने तयारीमा रहेकी नेपाली बालिका सकुशल उद्धार — समयमै गरिएको कारबाहीले बच्यो एक निर्दोष जीवन

बिदेश समाचार

भारत ,२७ कात्तिक ।
मानव तस्करीको दर्दनाक घटनामा नेपालकी १४ वर्षीया बालिका अञ्जली (नाम परिवर्तन) लाई भारतको बिहारबाट सकुशल उद्धार गरिएको छ। सीमापार मानव तस्करी विरुद्ध चलाइएको यो अभियानमा भारत र नेपालका विभिन्न निकायहरूको संयुक्त टोलीले संवेदनशीलता र तत्परताका साथ कारबाही सञ्चालन गरेको हो।

घटना तब सार्वजनिक भयो जब पीडितकी आमाले (नेपाल निवासी) ह्वाट्सएपमार्फत असमको बेजपारा क्षेत्रीय प्रहरी कार्यालयका निरीक्षक मनोज कुमार शर्मासँग सम्पर्क गरी रुँदै जानकारी दिइन् कि उनकी १४ वर्षीया छोरीलाई मनोज गिरी नामक व्यक्तिले दुई महिना अघि बहला–फुसलाएर नेपालबाट भारतको बिहार लगेको थियो।

केही दिन अघि छोरीले आमालाई फेसबुक म्यासेज पठाएकी थिइन् —

“आमा, मलाई यहाँबाट बचाऊ, नत्र म विष खाँछु…”

यो सन्देश प्राप्त भएपछि निरीक्षक शर्माले तत्काल कारबाही सुरु गरे। उनले पीडिताको फेसबुक खाता र त्यससँग सम्बन्धित सम्पर्क नम्बरहरू ट्रेस गराउँदा एक शंकास्पद मोबाइल नम्बर पत्ता लाग्यो। सायबर टिमले सो नम्बरको लोकेशन पत्ता लगाउँदै त्यसैबाट तस्करको पहिचान गर्‍यो।

मामलाको गम्भीरता देखेर मिशन मुक्ति फाउन्डेशन, नयाँ दिल्ली का निर्देशक वीरेन्द्र सिंह ले विभिन्न निकायसँग समन्वय स्थापना गर्दै कारबाहीलाई “मिशन निर्भया अपरेसन” नाम दिए।
यस संयुक्त अपरेसनमा राष्ट्रिय मानव अधिकार आयोगका प्रियाङ्क कानूनगो, एडीजी (वीकर–सेक्सन) अमित जैन, प्रहरी निरीक्षक मनोज कुमार शर्मा (क्षेत्रीय मुख्यालय बेजपारा, असम), मिशन मुक्ति फाउन्डेशन, प्रयास जुभेनाइल एड सेन्टर (रक्सौल), रेस्क्यू एन्ड रिलिफ फाउन्डेशन, एसएसबी बेजपारा इन्क्यालिजेन्स युनिट, र मोतिहारी प्रहरी सम्मिलित थिए।

अपरेसन दुई चरणमा सञ्चालन गरियो —
एक टोली सुगौली (बिहार) मा भौतिक रूपमा खटाइयो भने अर्को टोलीले अनलाइन माध्यमबाट निरन्तर निर्देशन दियो। अन्ततः तस्कर मनोज गिरी पक्राउ परे र नाबालिग अञ्जलीलाई सकुशल उद्धार गरियो। उद्धारपछि काउन्सेलिङ स्पेसलिस्ट आरती कुमारी ले बालिकाको मनोवैज्ञानिक परामर्श गरेकी छन्, जसले आगामी पुनर्स्थापना प्रक्रियामा महत्वपूर्ण भूमिका खेल्नेछिन्।

अनुसन्धानमा पत्ता लागेको छ कि तस्करले पीडितालाई दिल्ली लैजाने तयारीमा थिए। समयमै गरिएको संयोजन र मानवीय कारबाहीले एउटा निर्दोष बालिकाको जीवन जोगिएको छ।

उद्धारमा संलग्न सबै निकायहरूले यसलाई “संवेदनशीलता, समन्वय र मानवीय दायित्वको उदाहरणीय घटना” बताएका छन्।
एक आमाको आक्रोश र प्रहरीको जिम्मेवारीले मिलेर एउटा छोरीलाई अँध्यारो बाटोबाट उज्यालोतर्फ फर्काएको छ।

0Shares

Leave a Reply

Your email address will not be published. Required fields are marked *