रसीद आलम ,मकवानपुर ,२९ मंसिर ।
हेटौंडा रातोमाटे प्रहरी चेकपोष्टमा दुईवटा यात्रु बाहक बसबाट करिब ५० लाख बराबरको अबैध सुन सहित दुईजनालाई पक्राउ गरेको प्रहरीले जनाएको छ।
मकवानपुर प्रहरीका अनुसार शुक्रबार बिहान ३:४० र ४:४० को समयमा बिशेष सुचनाको आधारमा प्रहरी टोलीले मकवानपुर हेटौंडा उ.म.न.पा. वडा नं १५ स्थित रातोमाटे प्रहरी चेकपोष्ट अगाडी सडकमा काठमाण्डौबाट बिरगंज तर्फ जादै गरेको ना ५ ख ६२१७ र बागमती प्रदेश ०३-००१ख १७२७ नम्बरको यात्रु बाहक बसलाई चेकजाँच गर्ने क्रममा देश भारत अमृतसार पंजाब बस्ने बर्ष ३४ को तर्सिम सिंह र धनुषा सबेला नगरपालिका वडा नं. २ बस्ने बर्ष ३९ को हितेश कुमार शाहलाई अबैध सुनसहित पक्राउ गरिएको छ।
पक्राउ परेका तर्सिम सिंहको साथबाट सुनको सिक्री २ थान जसको बजार मुल्य रु.७४ हजार ५ सय २३ तथा तौल ७ ग्राम २६८ मि.ग्राम रहेको, बेरिएको बाला १ थानको तौल २२ ग्राम ६४० मि.ग्रा र मुल्य रु.२ लाख ३२ हजार १ सय ४३ रहेको छ।त्यसतै हितेश कुमार शाहको साथबाट सुनको ब्रास्लेट ९ थान जसको तौल ४५० ग्राम १७५ मि.ग्राम र बजार मुल्य रु.४६ लाख १५ हजार ९ सय ५९ रहेको मकवानपुर प्रहरीले जानकारी गराएको छ।
निजहरुबाट बरामद गरेको सो अबैध सुनको जम्मा तौल ४८० ग्राम ०८३ मि.ग्राम र बजार मुल्य रु.४९ लाख २२ हजार ६ सय २५ रहेको जिल्ला प्रहरी कार्यालय मकवानपुरले जनाएको छ।
सुन सहित निजहरुलाई नियन्त्रणमा लिई आवश्यक कारबाहीको लागी राजश्व अनुसन्धान कार्यालय पथलैया बारा पठाईएको मकवानपुर प्रहरी प्रुमख प्रहरी उपरीक्षक सीतारम रिजालले बताए।
