रसीद आलम, बिरगंज ,४ असोज।
प्रतिबन्धित लागु औषध सहित एक जना मानिसलाई बिरगंजमा पक्राउ गरेको पर्सा प्रहरीले जनाएको छ।
विशेष सूचनाको आधारमा बुधबार साझ ५:०० बजेको समयमा वीरगञ्ज महानगरपालिका वडा नं.१६ स्थित शंकराचार्य गेटमा रक्सौलबाट वीरगञ्जतर्फ आउदै गरेका प्र.२-०२-००४ प ७४९५ नम्बरको स्कुटीलाई रोकी चेकजाँच गर्दा स्कुटीको सिटमुनी रहेको फल्स सिलिङमा कालो प्लाष्टिक भित्र प्रतिबन्धित लागु औषध Onrex 100 ml को ६९ बोत्तल फेला परेको हुँदा स्कुटी र उल्लेखित लागु औषध सहित स्कुटी चालक हेटौडा उ.म.न.पा.वडा नं.४ बस्ने वर्ष ३४ को अजित तामाङलाई नियन्त्रणमा लिइएको पर्सा प्रहरीका प्रवक्ता प्रहरी नायब उपरीक्षक कुमार बिक्रम थापाले जनाएका छन् ।
पक्राउ परेका तामाङमाथि लागु औषध सम्बन्धी कसूरमा थप अनुसन्धान भैरहेको डिएसपी कुमार बिक्रम थापाले बताए ।
