बिरगंज, २८ जेठ । पर्सा जिल्ला जनता समाजवादी पार्टीका जिल्ला सदस्य तथा क्षेत्र नं १, बिरगंज महानगरपालिका–१६ निवासी लालदेव यादवले आफू जनता समाजवादी पार्टी (जसपा)मै यथावत रहेको स्पष्ट पारेका छन्। केही दिनदेखि सामाजिक सञ्जालमा ‘जसपा पर्सा जिल्ला सदस्य तथा क्षेत्र नं १, वार्ड नं १६ का लालदेव यादवले जसपा पार्टी परित्याग गरेको’ भन्दै भाइरल समाचारहरू आएपछि उनले सोमबार एक सामाजिक सञ्जालमार्फत पोष्ट गर्दै त्यसको खण्डन गरेका हुन्।
यादवले आफ्नो फेसबुकमा लेखेका छन् :
“म जनता समाजवादी पार्टीमा यथावत रहेको छू। यो जानकारी सम्पूर्णमा गराउन चाहन्छु।”
केही दिनयता पार्टीको नाममा गरिएको प्रचार–प्रसारले यादवका शुभेच्छुक र समर्थकहरूमा भ्रम फैलिएको थियो। पार्टीको आन्तरिक विषयलाई लिएर विभिन्न टिप्पणीहरू भइरहेका बेला यादवले आफूमाथि लागेको आरोपको स्पष्टिकरण दिँदै पार्टीमा यथावत रहने तथा पार्टीलाई अझ मजबुत बनाउने प्रतिवद्धता व्यक्त गरेका छन्।
उनले सामाजिक सञ्जालमा लेख्दै भनेका छन्, “म पार्टीमै रहेर पार्टीलाई मजबुत बनाउने छु र जनताको सेवकको रूपमा जनतालाई सेवा गर्ने मेरो अठोट यथावत छ।”
यसअघि सामाजिक सञ्जालमा “जसपा पार्टी परित्याग” भन्ने झूठा समाचार भाइरल भएपछि त्यसको विषयमा धेरै कार्यकर्ता र स्थानीयवासीमा अन्योल सिर्जना भएको थियो। तर यादवले सार्वजनिक रूपमा यसलाई नकार्दै आफू पार्टीमा पूर्ण निष्ठाका साथ सक्रिय रहेको जानकारी दिएका छन्।
यस घटनाले पार्टीको आन्तरिक एकता र कार्यकर्ताहरूको मनोबललाई प्रभावित पार्ने प्रयास भएको भन्दै यादवले यसप्रकारका गलत प्रचार–प्रसारहरूप्रति दुःख व्यक्त गरेका छन्। उनले पार्टी नेतृत्व, कार्यकर्ता र समर्थकहरूलाई संयमित भएर काम गर्न आह्वान गर्दै झूठा हल्लामा विश्वास नगर्न आग्रह समेत गरेका छन्।
यादवले पार्टीका स्थानीय तथा केन्द्रिय नेतृत्वसँग निरन्तर समन्वय गरेर पार्टीलाई बलियो बनाउने र जनताको समस्याहरू समाधान गर्न पहल गरिरहने पनि बताएका छन्।
जनता समाजवादी पार्टी पर्सा जिल्ला समितिका अन्य नेताहरूले समेत यादवप्रति एकताको सन्देश दिँदै गलत प्रचारविरुद्ध कडा प्रतिवाद गर्ने बताएका छन्। पार्टीका जिल्ला अध्यक्षले समेत यादवको वक्तव्यपछि यस विषयमा कुनै अन्योल नरहेको र पार्टी एक ढिक्का भएर अघि बढ्ने बताएका छन्।
यसरी, लालदेव यादवले आफू जसपामै रहेको घोषणा गर्दै पार्टी सुदृढीकरणमा जुट्ने जनाएका छन्। यसले पार्टी कार्यकर्तामा थप उत्साह र विश्वास दिएको देखिन्छ।
