पर्सा, १२ मंसिर ।
विशेष सूचनाका आधारमा खटिएको जिल्ला प्रहरी कार्यालय पर्साको चेकजाँच टोलीले श्रोत नखुलेको १० लाख रुपैयाँसहित एक भारतीय नागरिकलाई पक्राउ गरेको छ। मिति २०८२।०८।१२ गते बिहान करिब ९:०० बजेको समयमा वीरगञ्ज महानगरपालिका–१६ रजतजयन्ती चोकस्थित सडकखण्डमा जाँच गर्ने क्रममा उनको साथबाट उक्त रकम बरामद गरिएको हो।
मधेश प्रदेश ०३–०२५ प ९८०७ नम्बरको मोटरसाइकलमा सवार भारत विहार, मोतीहारी जिल्ला रक्सौल–१ बस्ने ५३ वर्षीय सुरेन्द्र साहले मोटरसाइकलको बायाँतर्फ रहेको एयर फिल्टरभित्र लुकाइ–छिपाइ राखिएको नेपाली रुपैयाँ भेटिएको प्रहरीको भनाइ छ।
बरामद भएको रकममा रू. १,००० दरका ७०० थान (रू. ७ लाख) र रू. ५०० दरका ६०० थान (रू. ३ लाख) गरी कुल रू. १० लाख नगद रहेको प्रहरीले जनाएको छ। रकमको श्रोत नखुलेपछि उक्त नगद तथा मोटरसाइकलसहित साहलाई नियन्त्रणमा लिइ थप अनुसन्धान भइरहेको जिल्ला प्रहरी कार्यालय पर्साका प्रवक्ता तथा सूचना अधिकारी प्रहरी नायब उपरीक्षक राजु कार्कीले जानकारी दिए।
पक्राउ परेका व्यक्ति:
१. सुरेन्द्र साह, ५३ वर्ष, रक्सौल–१, मोतीहारी, विहार, भारत।
