बारा ,४ असोज ।सशस्त्र प्रहरी बल, नेपालले बाराको विश्रामपुर गाउँपालिका–१ कल्याणपुरस्थित सीमा क्षेत्रबाट भन्सार छली नेपाल भित्र्याउँदै गरेको ठूलो परिमाणको सामान तथा सवारीसाधन बरामद गरेको छ।
मिति २०८३ असोज ४ गते सशस्त्र प्रहरी बल, नेपाल बीओपी बरैनियाबाट खटिएको टोलीले भारतबाट भन्सार छली नेपालतर्फ ल्याउँदै गरेको अवस्थामा कुरकुरे, सुर्ती, जुत्ता, लत्ताकपडालगायतका सामान बरामद गरेको हो।
टोलीले सोही क्रममा २ थान साइकल, १ थान मोटरसाइकल र १ थान स्कुटर समेत नियन्त्रणमा लिएको सशस्त्र प्रहरी बाराले जनाएको छ।
बरामद सामान तथा सवारीसाधनको कुल अन्दाजी मूल्य रु. ७ लाख ९५ हजार ५०० रहेको जनाइएको छ।
बरामद सामग्री तथा सवारीसाधनलाई आवश्यक कानुनी कारबाहीका लागि वीरगञ्ज भन्सार कार्यालय, पर्सामा बुझाउने प्रक्रियामा रहेको सशस्त्र प्रहरीले जनाएको छ।
